Þegar keyptur er aðgangur að Lífsbókinni og farið er í gegnum nýskráningarferlið þarf fólk að velja tvo aðila til að gegna hlutverki nánustu aðstandenda sinna. Þetta geta verið maki, systkini, barn, vinur, foreldri eða annar nákominn aðili. Þessir tveir aðstandendur fá sendan póst frá Lífsbókinni með upplýsingum um hvað felist í því að vera nánasti aðstandandi og þurfa að staðfesta vilja sinn með rafrænni undirskrift. Að því loknu er hægt að ljúka nýskráningarferlinu og byrja að fylla út í sína Lífsbók.
Athugið að Lífsbókin er frumkvöðlaverkefni í þróun og því ekki hægt að nýskrá sig strax. Við bjóðum fólki að hafa áhrif á þróun verkefnisins með því að taka þátt í könnun og segja okkur sína skoðun á þjónustunni. Með því móti getum við metið hvort að þörf sé fyrir Lífsbókina og hvaða þætti hennar sé mikilvægast að ráðast í fyrst.